Grand champion Hakuho

Grand champion Hakuho, top, sends champion Kotooshu to the dirt in their bout at Fukuoka, southern Japan, on Friday Nov. 27, 2009. Hakuho, who hails from Mongolia, kept his record unblemished at 13-0 with the win over Kotooshu, a Bulgarian.

Асашёорюү Далай ламтай уулзахаар төлөвлөжээ

Мэргэжлийн сумо бөхийн кюүшю башё эхлэх өдөр ойртож байна. Ойрын өдрүүдэд Японы мэргэжлийн сумо бөхийн холбооны бөхчүүд Фүкүока мужид тойргийн барилдаан хийж байна. Үүнд оролцож буй Монголын их аварга Асашёорюү өнөөдөр далай ламтай уулзах ажээ. Далай лам өнгөрсөн аравдугаар сарын 30-нд Японд ажлын айлчлалаар ирсэн бөгөөд энэ сарын 7-ныг хүртэл Токио хот, Эхимэ, Окинава мужид айлчилж, сүсэгтнүүдэд ном айлдах юм байна.

Их аварга далай ламтай уулзахыг хүсч байгаа ч сумогийн холбооноос энэ уулзалтыг хүлээн зөвшөөрөхгүй байж магадгүй аж. Учир нь шинэ башёгийн банцукэ гарснаас хойш бөхчүүдийг ийш тийш явуулахыг зөвшөөрдөггүй бөгөөд их аварга Асашёорюү далай ламтай уулзахын тулд Окинава арал хүртэл багагүй цаг зарцуулах учир багш нар болоод сумогийн холбоо зөвшөөрөхгүй байж магадгүй гэнэ. Далай лам Их аварга Асашёорюүг ихэд хүндэлдэг бөгөөд их аваргыг өнгөрсөн жил гэрийн хорионд байх үед нь далай лам түүнтэй өөрийн төлөөлөгчөө уулзуулж, сэтгэл санааны дэм өгч байсан билээ.

Аки башё өнөөдөр эхэллээ.

Есдүгээр сарын 13-27-ны өдрүүдэд үргэлжлэх Японы мэргэжлийн сумо бөхийн есдүгээр сарын тэмцээн буюу аки башё өнөөдөр эхэллээ.Aки башёд манай есөн бөх зодоглох юм. Хамгийн нэр хүндтэй гэгддэг зүүн жигүүрийг манлайлан барилдах ёкозуна Хакухо М.Даваажаргал өнөөдөр комүсүби Аминишикитэй, харин баруун жигүүрийн тэргүүн манлайд бичигдсэн ёкозуна Асашёорюү Д.Дагвадорж зүүн жигүүрийн комүсүби Барутотой хүч үзэхээр оноолт таарчээ. Озэки Харумафүжи Д.Бямбадоржийн хувьд баруун жигүүрийн маэгаширагийн тэргүүн бөх Миябияматай барилдах бол өнгөрсөн башёд амжилттай барилдаж, маэгаширагийн хоёрт бичигдсэн Шотэнро Д.Нямсүрэн озэки Кайотой, баруун жигүүрийн маэгаширагийн хоёроос босч барилдах Кёкүтэнхо Н.Цэвэгням озэки Чиётайкай нартай оноолт таарч барилдана. Мөн маэгаширагийн гуравт эрэмбэлэгдсэн Какүрюү М.Ананд Тоёоношиматай, Токитэнкү А.Хүчитбаатар Гоэйдотой, харин Асасэкирюү Б.Дашням Такэказэтэй барилдахаар оноолт таараад байна. Өнгөрсөн нагоя башёгоос эхлэн макүүчи зиндаанд дэвшин барилдаж буй Моконами Г.Базарсадын хувьд эхний өдрийн барилдаанд баруун жигүүрийн маэгаширагийн наймд бичигдсэн Шимоторитой учраа таарч барилдах юм.

Сумо-блог

Би нээх сумо бөх энтэр сонирхож шимтдэггүй л дээ. тэхдээ харийн оронд бяр чадлаасаа гадна хүн болж боловсрох чадвараараа тэмцэлдэж буй философийг нь ажиглах үүднээс, дээрээс нь эргэн тойрныхны шахалт шаардлагаар бөхчингүүдийн нэр усыг нь уншиж өгөх, ганц нэг мэхний тайлбар орчуулах /түлхэнгүүтээ шидэх, татаж унагаах, сэгсэрч дайрах гэх маягаар/ зэргээр хошуу дүрэхээс мултарч чаддаггүй болой. 
Гальт гүүглэдэж суугаад сумо бөхчүүдийн блог ранкингийг олж үзээд зарим нэгэнд сонирхолтой байж магад гэж бодлоо. Гадаад бөхчүүдээс Харүмафүжи , Котоошюү хоёр тэргүүлж явах шиг байна. Ер нь хүчтэй дайснаа хүндэлж чаддаг японууд мундаг улс шүү, тэр тал дээр сармагчин шинжээсээ хүн тал руугаа арай ойртсон гэхиймуу. Гадаад хүмүүс өөрсдийн гараар өөрсдийнхөө үгээр ингэж блог бичиж байгаад нь японууд бас олзуурхаж их дуртай байдаг болтой. бичиж байгаа хүн нь ч өөрсдөө үүнээс маш олон юмыг сурч, өөртөө наалдуулж шингээж авах нь ойлгомжтой. Асашёорюү аваргын блог байдаг боловч өөрөө биш менежер нь хөтөлдөг юм шиг байна. 
мэдээллийн эх: Сумо-блог

Хэзээ нэгэн цагт тэд Кокүгиканд тэмцэлдэх буйзаа

Намайг анх японд ирж байхад Fuji TV-гээр "Япон сумо vs Монгол бөх" гээд нэг ийм нэвтрүүлэг гарч байсан. Олон хүний сэтгэлийг хөдөлгөсөн маш сайн нэвтрүүлэг болж чадсан. Тэрнээс хойш нэг жилийн дараа япон хүү аймаар хичээгээд, бэлтгэл хийгээд revenge хийх гэж ирж байгаа бичлэг. Fuji TV-гийн цуврал нэвтрүүлгийн 2 дахь нь. 

Монгол хүүхдүүд мундаг шүү, бие бялдар болон оюуны санааны чадавхийн хувьд. бүүр байгалиасаа.

Тэгэхдээ хэдэн жилийн дараа Мөнх хүү Маак күн-г дийлэхгүй байхаа, япончууд 根性(тэвчээр),　努力(хичээл, зүтгэл)-ээрээ аваад явчихна гэж би хувьдаа бодож байна.
Хамгийн сүүлд хэлсэн хөтлөгчийн үг их гоё

Хариугаа авахаар шийдсэн тэр өдрөөс хойш нэг жилийн хугацаанд Маак күн сэтгэл санаа, бие бялдарын хувьд ч эр хүн болжээ. Гэвч түүний өрсөлдөгч Мөнх хүү ч өсөж том болсон байна. 

Бөхийн барилдаанаар ширүүхэн өрсөлдсөн япон, монгол хөвгүүдээ бид мартахгүй, хэзээ нэгэн цагт эдгээр хөвгүүд Кокүгикан (Сумогийн ордон)-д тэмцэлдэх буйзаа гэж хэлэх үед би аль хэдийн уйлчихсан сууж байлаа гэж


Мэдээллийн эх

Ө.Тамир: Мөөеөг олимпиос медаль аваад ирэхэд би тосохоосоо ичээд сургуулийнхаа үдэшлэгт явчихаж билээ

Бөхийн түүхэнд аав, хүү хоёр аварга байгаагүй хэмээн Монголчууд төдийгүй Япончууд шагшин магтдаг. Энэ хэн болохыг уншигчид сайн мэдэж байгаа гэдэгт эргэлзэхгүй байна. "Хань" булангийн энэ удаагийн зочноор Монгол Улсын Хөдөлмөрийн баатар, гавьяат тамирчин, дархан аварга Ж.Мөнхбатын гэргий Ө.Тамирыг урилаа.

Фантаро хочтой Асашёорюү

Их аварга Асашёорюү Д.Дагвадорж гуравдугаар сарын Харү башёгийн бэлтгэлээ Осакад хийж байгаа билээ. Тэрбээр бэлтгэлээ түр завсарлан уржигдар Олон улсын эмэгтэйчүүдийн эрхийг хамгаалах өдөр Токио хотноо болсон “Shibuya Girls Collection” загварын шоунд оролцжээ.
Шоунд их аварга маань ахлах ангийн хүүхдийн дүрэмт хувцас өмсөж загвар үзүүлсэн аж. Түүнчлэн саяхан “Fanta” ундааны сурталчилгаанд оролцож, зургаа авахуулсан юм байна. Ийнхүү рекламд зураг авахуулснаас хойш япон багачууд түүнийг үлгэрийн баатар Кэнтаротойгоо адилтган “Фантаро” хэмээн нэрлэх болжээ.Их аварга Асашорюү Кока-Кола компанийн Фанта ундааны цуврал сурталчилгаанд тоглож, гэрээнийхээ хүрээнд Шибүяд болсон загварын шоунд хүртэл оролцоод авсан билээ.
Уг цуврал рекламанд Монголоос шилжиж ирсэн, 13 настай дунд сургуулийн сурагч Фантаро-гийн дүрийг аварга маань бүтээдэг.
"Үнэндээ Фантаро бол сайн хүн юм шүү дээ" - Рекламны гол консепт нь энэ. Далд утгаараа үргэлж элдэв хэл амны бай болж байдаг Дагвааг маань сайн хүн юм шүү гэсэн мессежийг япончуудад өгч чадаж байгаа гэж хэлж болно, доорх рекламуудыг үзсэн япончууд Дагваад хандах хандлага нь сайжирч байгаа бололтой. Сүүлийн үед хэвлэл мэдээлэл, эсвэл Сүмогийн холбоо, Ёкозүнагийн зөвлөлөөсөө шүүмжлэлээр бөмбөгдүүлэх үед нь түүнийг өмөөрч буй япон хүнтэй их тааралдах болсон нь энэ рекламны нөлөө ч байж магадгүй.

Энэ оны 1 сарын тэмцээнд муу барилдвал зодог тайлж магадгүй гэсэн яриа тархсан хүнд нөхцөлд түрүүлсэн нь бүгдийн сэтгэлийг хөдөлгөсөн. Асашорюүгийн сүмод дуртай байдал, цөхрөлгүй тэмцэгч чанар, зорилгодоо хүрэх тэмүүлэл нь Япончуудад арай гэж ойлгогдсон гэж хэлж болох юм.

Энэ Ням гаригт Оосака хотноо Хаврын тэмцээн эхлэх гэж байна. Их аваргадаа амжилт хүсье.

Mongolian yokozuna Asashoryu recently debuted as a fashion model, and a cosplayer to boot, waddling down the catwalk in support of Fanta sales.

In the event, called Shibuya Girls Collection, and held at Yoyogi National Gymnasium, Asashoryu modeled a typical Prussian cadet uniform, the standard for Japanese boys, much to the delight of the 20,000 crowd, most of them female teenagers.

Dancing on stage with the other models, his task of modeling a school uniform is a marketing move for Fanta, as this sort of material features in their Japanese line of TV commercials. He appears as “Fantaro (13)”:

Asashoryu was clearly excited with the attention, stating “this tension is kind of new to me”.

But whilst he is happy with his new role, some sports newspapers are clearly not, lambasting him after he skipped training for the upcoming Spring Grand Sumo tournament.Taking large amounts of money to promote soft drinks is of course ok.

The Fanta commercials themselves have always been associated with school; this one parodies the old Japanese drama series, Sannen B-gumi Kinpachi-sensei:

Аугаа аваргуудыг харьцуулахад

Их сүмогийн түүхэнд 20-иос дээш түрүүлсэн таван бөх бий. 1960-аад оны домогт ёкозүна Тайхо (зураг дээр) 32 удаа түрүүлсэн нь өнөө хэр хэн ч даваагүй өндөр босго болсон бол Чиёнофүжи 31, Китаноүми 24, Асашёорюү 23, Таканохана 22 түрүүтэй байгаа.
Тэднээс Китаноүми хамгийн залуудаа буюу 19 настайдаа анхны түрүүгээ авсан бол Чиёнофүжи “өвгөрсөн” хойноо (26 насандаа) Эзэн хааны цомыг анх гарджээ.

Кёкүшюзан Д.Батбаярын дээлний загварыг Т.Баясгалан гаргаж өгчээ

Сар шинээр төр засгийн удирдлагууд, дарга сайдууд үндэснийхээ дээл хувцасаар гоёдог. Энэ жилийн хувьд хамгийн чамин хувцасласан УИХ-ын гишүүнээр эрэгтэйгээс Кёкүшюзан Д.Батбаяр, эмэгтэйгээс Д.Арвин гишүүн тодорчээ. Чамин хийцийн булган эмжээртэй хантаазаар гангарсан Кёкүшюзаны гоёлын загварыг нь сүйт бүсгүй нь болох дуучин Т.Баясгалан гаргаж өгсөн гэнэ. Эрхэм гишүүн маань хэт дэгжин гоёлынхоо талаар “Манай Баясаа л ингэж хувцаслахыг зааж өгсөн. Загварыг маань манай хүн л гаргасан” хэмээн ам алдсан.

Харүмафүжи цолны мялаалгаа хийлээ

Хоёрдугаар сарын эхээр Монголд озэки цолны мялаалгаа хийсэн Харүмафүжи өнгөрөгч бямба гаригт Токиод нүсэр хүлээн авалт зохион байгуулжээ. Сүмогийн холбооны удирдлагууд, ёкозүна Асашёорюү, Хакүхо тэргүүтэй 1300 орчим зочин уг ёслолд уригдсан байна.

Хацү башёд озэки цолтойгоор анх удаа зодоглож, 8-7 амжилт үзүүлсэн Харүмафүжи “Намайг дэмждэг хүмүүс, энэ зэрэгт хүргэсэн багш нарынхаа ачийг хариулахын тулд Харү башёд хичээж барилдана. Өдөр бүр уран барилдаанаар сүмо сонирхогчдыг баясгахыг хичээнэ” хэмээн өгүүлжээ.

Түүний багш Исэгахама ояката (ёкозүна Асахифүжи) шавийнхаа озэки цолтойгоор барилдсан эхний башёгийн үр дүнд сэтгэл хангалуун бус байгаагаа хэлээд Харүмафүжиг озэки цолдоо ханалгүй, оргил өөд тэмүүлэх хэрэгтэй хэмээн сургамжилсан байна.
今日は大関昇進パーティーがありました。



全国から、そしてモンゴルからたくさんのお客さんに
来てもらって本当に幸せです。

あらためて大関として
もっと頑張らないといけないな。

これからも一生懸命、皆さんに喜んでもらえる相撲を取って
相撲界にも恩返ししたいと思います。

これからも応援よろしくお願いします。

本当に今日は,自分のために
たくさんの方に来ていただいて…

しあわせです。


ありがとうございました。

Хакухо 2.5 сая иений шагнал хүртлээ

1977 оноос хойш жил бүр уламжлал болон зохион байгуулагдаж байгаа нэг өдрийн үзүүлэх барилдаан өчигдөр Японы мэргэжлийн сумо бөхийн ариун газар болсон Токио хотын Кокугикан ордонд болж, сумо бөхийн 69 дэх ёкозуна Хакухо М.Даваажаргал түрүүллээ. Тэрбээр тэмцээний үеэр дараалан экс-комүсүби Гоэйдо, Футэно, Коккай, Такамисакари болон 21 настай Точиношин, озэки Котоошю нарыг өвдөг шороодуулжээ. Хакухо М.Даваажаргал ийнхүү дөрвөн жилийн дараа энэ нэр хүндтэй үзүүлэх барилдаанд тэргүүлж байгаа ба хоёр дахь удаагаа аваргалж, 2.5 сая иений шагнал хүртлээ.
Харин уг барилдааны гурван удаагийн аварга ёкозуна Асашёорюү Д.Дагвадорж энэ барилдаанд Бушуяма, Ивакияма, Гоэйдо нарыг дараалан ялсан боловч хагас шигшээ барилдаанд Болгарын озэки Котоошюд өвдөг шороодсон байна. Тэрбээр ёрикири мэхээр унажээ.
Барилдаан эхлэхээс хэдхэн хоногийн өмнө эмнэлгээс гарсан озэки Кайо Асасэкирюү Б.Дашнямын довтолгоог барсангүй. Харин шинэхэн озэки Харумафүжи Д.Бямбадорж Оросын бөх Аранд унасан байна. Түүнчлэн озэки Чиётайкай, Котомицүки нар хоёрдугаар тойргийн барилдаанд өвдөг шороодож, тэмцээнийг орхижээ. Үзүүлэх барилдааны үеэр бөхчүүд сумо сонирхогч бага насны хүүхдүүдтэй үзүүлэх барилдаан хийж, үзэгчдийг баясгасан байна.

Д.Бямбадорж: Нэр хүнддээгүй байх аа

Мэргэжлийн сумо бөхийн озэки Харумафүжи Д.Бямбадорж өчигдөр эх орондоо ирсэн билээ. Өнгөрсөн нэгдүгээр сарын барилдаанд анх удаа озэки цолтой зодоглож, цолоо хамгаалан үлдсэн Харумафүжи шинэ цол хүртсэнээсээ хойш анх удаа нутагтаа ирж байгаа нь энэ юм. Түүнтэй цөөн хором ярилцаж, сэтгэгдлийг нь сонслоо.
-Хацу башёд та анх удаа озэки цолтой барилдлаа. Тийм болохоор олон хүн таны барилдаанд өмнөхөөс илүү анхаарлаа хандуулж байсан?
-Озэки цол хүртэнэ гэдэг маань маш том хариуцлага байдаг юм байна. Анх озэки цолтой бөхчүүдийг хараад сүрддэг, тэднээр бахархдаг байсан бол одоо өөрөө тэр хүмүүс шиг үргэлж сайн барилдах үүрэгтэй болсон. Хацу башёд санасандаа хүртэл барилдаж чадаагүй. Өөртөө тэгж дүгнэлт хийсэн. Тийм болохоор дараа дараагийн тэмцээнд, гуравдугаар сард алдаагаа засч, улам сайн барилдахыг хичээнэ.
-Башёгийн өмнө та Харумафүжи гэж нэрээ өөрчилсөн. Д.Бямбадоржийн шинэ нэр хүндэдсэн байх гэсэн яриа манайхны дунд байсан л даа?
-/инээв/. Нэр хүнддээгүй байх аа. Хүмүүс харин тэгж бодож байгааг би сонссон. Уг нь их сайхан нэр л дээ. Манай багш өгсөн юм. Нэр хүн дэдсэн гэж би бодоогүй. Харин би өөрөө л нэрэндээ эзэн болж барилдах хэрэгтэй болж байна.
-Та энэ удаа нэлээд олон хүний бүрэлдэхүүнтэй ирсэн бололтой?
-Манай багш ирсэн. Мөн сумо бөхийн холбоог төлөөлж хэд хэдэн хүн ирлээ. Японы NHK телевизийн ажилтнууд байгаа.
-Монголд хэд хонох вэ. Озэки цолны мялаалга болох уу?
-Тийм бодолтой ирсэн.
-Сумо сонирхогчдодоо хандаж хэлэх таны үгийг сонсъё?
-Намайг үргэлж дэмжиж байдаг ард түмэндээ баярлалаа. Озэки цолтой болсны дараа маш олон хүн баяр хүргэж, урмын үг хэлж байлаа. Цаашид би арслан шиг арслан байхын төлөө хичээнэ. Өдөр бүр бэлтгэлээ сайн хийнэ. Энэ цолондоо эзэн болж явах болно гэж ард түмэндээ уламжилья даа. Удахгүй цагаан сар болох гэж байна. Та бүхэн сар шинэдээ сайхан шинэлээрэй.

Харумафүжи Д.Бямбадоржийн озэки цолны мялаалга боллоо

Шинэ оны өмнө озэки цол хүртэж, өнгөрсөн хацу башёд анх удаа шинэ цолтойгоо зодоглосон Харумафүжи Д.Бямбадорж өчигдөр эх орондоо ирсэн билээ. Өөрийн багш болоод мэргэжлийн сумо бөхийн холбооны албаны хүмүүс, NHK телевизийн сэтгүүлчид гээд нэлээд олон хүний бүрэлдэхүүнтэй ирсэн тэрбээр өчигдөр орой озэки цолны мялаалгаа хийсэн байна. Харумафүжи Д.Бямбадорж өнөөдөр гэр бүлийнхнийхээ хамт аавынхаа нутаглуулсан газарт очиж хүндэтгэл үзүүлэх аж. Тэрбээр энэ удаа богино хугацаатай эх орондоо ирж байгаа тул маргааш Япон руу буцах юм байна.

Харумафүжи Д.Бямбадорж эх орондоо ирлээ

Энэ оны эхний барилдаанд озэки цолтой зодоглосон харумафүжи Д.Бямбадорж өнөөдөр эх орондоо ирлээ. Тэрбээр эх орондоо дэвжээний багш болоод дэмжигчид Японы NHK телевизийнхэнтэй хамт ирсэн байна. Шинэ цол авснаасаа хойш анх удаа нутагтаа ирж буй харумафүжи Д.Бямбадорж нь озэки цолны мялаалгаа Монголд байх хугацаандаа хийх бололтой.

Озэки Кайо эмнэлэгт хэвтжээ

Японы мэргэжлийн сумо бөхийн 2009 оны анхны тэмцээн болох хацү башё өндөрлөсний дараах өдөр озэки Кайо эмнэлэгт хэвтсэн гэдгээ мэдэгдлээ. 36 настай озэки Кайо мухар олгойн хурц үрэвсэл байж магадгүй гэсэн оноштойгоор эмнэлэгт хэвтсэн байна. Эзэн хааны цомын таван удаагийн эзэн озэки Кайо гурван долоо хоног эмнэлэгт хэвтэх шаардлагатай гэнэ. Тэрбээр өнгөрсөн башёг найман даваа, долоон унаатай өндөрлүүлж, цолоо амжилттай хамгаалсан билээ.

Сумогийн ертөнцөд шинэ дуулиан дэгдэв

Японы мэргэжлийн сумо бөхийн холбоонд нэгэн шинэ дуулиан дэгдлээ. Тодруулбал, жюүрё зиндааны бөх Вакакирин марихуан хадгалж байгаад баривчлагдсан байна. Ояката Огурумагийн 25 настай шавь Вакакириныг өөрийн найз, хөгжимчин Цутому Хирона гэгчийн хамт CD худалддаг дэлгүүрийн зочдын өрөөнд байхад нь саатуулсан байна. Цагдаагийн ажилтнууд хүрч ирэхэд “Залуу анааш” Вакакирин ширээн доогуураа тамхины навчтай хольсон 16 гр боодолтой марихуанаа нуухыг оролдсон байна. Огурума дэвжээнд байрлах Вакакириний өрөөнд цагдаа нар тэр оройдоо нэгжлэг хийж, түүний тэмдэглэл бичдэг зузаан дэвтрийг хураажээ.
Өнгөрсөн баасан гаригт баривчлагдсан Вакакирин өчигдөр дэвжээнийхээ ояката Огурумагаар дамжуулан сумо бөхийн холбоонд огцрох өргөдлөө хүргүүлсэн байна. Мэргэжлийн сумо бөхийн захирлуудын зөвлөл маргааш хуралдах бөгөөд энэ хурлын үеэр Вакакириний огцрох хүсэлтийг хүлээж авах эсэхээ шийдвэрлэх ажээ.
Шиничи Сүкүзава буюу Вакакирин мансууруулах бодисны хэрэгт орооцолдсон анхны япон бөх болж байна. Тэрбээр өчигдөр өөрийн өмгөөлөгчтэйгээ уулзаж, огцрох хүсэлт тавих саналтай байгаагаа хэлжээ. Харин түүний өргөдлийг авсан ояката Огурума удалгүй Токио хотын Кокугикан ордонд хэвлэлийн бага хурал хийлгэсэн байна. Тэрбээр хэвлэлийн бага хурлын үеэр “Вакакирин өөрөө сумогийн холбооноос огцрох хүсэлт гаргасан. Харин түүний багшийн хувьд энэ нь зөв шийдвэр гэж бодож байна. Түүнийг цаашид сумо бөхийн холбоонд хэвээр үлдээж, сумо барилдуулах нь дэвжээний нэр хүндийг унагаах аюултай” гэсэн байна.
Канагава тойргийн цагдаагийн газарт өгсөн мэдүүлэгтээ Вакакирин хоёр л удаа хар тамхи хэрэглэсэн хэмээн мэдүүлсэн ч Оросын Рохо, Хакурозан нарын хэрэгтэй холбоотойгоор өнгөрсөн есдүгээр сард бөхчүүдээс авсан шээсний шинжилгээний үеэр Вакакириний шинжилгээнээс сэжигтэй зүйл илэрсэн ажээ. “Би баривчлагдахаасаа өмнө нэгдүгээр сарын 29, 30-нд хар тамхи хэрэглэсэн. Харин үүнээс өмнө хэрэглэж байгаагүй” хэмээн Вакакирин мэдүүлсэн байна. Өнгөрсөн оны есдүгээр сард Вакакирин гурван удаа шинжилгээ өгсөн бөгөөд сүүлчийн шинжилгээ сөрөг гарсан учир сумогийн холбоо түүнийг цагаатгасан юм.
Өнгөрсөн жилийн долдугаар сард 0.358 гр марихуан хадгалж байгаад баригдсан Оросын бөх 19 настай Ваканахо баригдсан ба удалгүй тэрбээр сумогийн холбоогоос хөөгдөж, нутаг буцсан билээ. Харин есдүгээр сард Оросын ах, дүү сумоч Рохо, Хакурозан нар буюу Сослан болон Батраз Борадзов сумогийн холбооноос хөөгдсөн бөгөөд тэр үед дүүгийнх нь багш байсан ояката Китаноуми сумо бөхийн холбооны ерөнхийлөгчийн суудлаас огцорсон юм. Рохо, Хакурозан нарын хөөгдсөн шалтгаан нь шээсний шинжилгээнээс мансууруулах бодис илэрсэн явдал юм. Ах, дүү хоёр сумоч Токио хотын тойргийн шүүхэд шинжилгээ авах журам зөрчилтэй явагдсан хэмээн гомдол гаргаад байгаа. Хэсэг хугацаа өнгөрсний дараа ах, дүү хоёрын өмгөөлөгчийн шахалтаар сумогийн холбооны шинэ удирдлага бөхчүүдийн шинжилгээ бага зэргийн зөрчилтэй байсныг хүлээн зөвшөөрчээ. Сэтгүүлч нар Хакурозан нарыг шинжилгээгээ өгч байхад хажуу талынх нь өрөөнд Вакакирин байсныг тогтоосон байна. Энэ явдал нь Сумогийн холбооны сахилга бат хариуцсан хороо болон спортын эмнэлгийн төвийн профессор Ониши нарын нэр хүндэд халтай хэрэг болж байна. Ямартай ч Вакакирины цагдаад өгсөн мэдүүлэг Оросын хоёр бөхийн хэрэгт эергээр нөлөөлж магадгүй бололтой.
Мэдээллийн эх сурвалж: Сумогийн ертөнцөд шинэ дуулиан дэгдэв

Сумогийн ертөнц дэх шинэ дуулиан

Өчигдөр Токио хотын зугаа цэнгээний гэгдэх Роппонги дүүргийн нэгэн дуу чилэгийн студид нэгжлэг хийхэд олдсон 16 грамм марихуаны хэрэгт хөгжимчин Цутому Хирано болон жюүрёо зиндааны бөх Вакакирин нар холбогдон баривчлагджээ. 25 настай Вакакирины багш Огүрүма оякатаг ч мөн баривчилсан байна. Ноднин долдугаар сард орос бөх Ваканохогийн янжуураас 0,358 грамм марихуан илэрч бөөн шуугианы эхлэл болсон билээ. Үүнээс хоёр сарын дараа Оросын ах дүү Рохо, Хакурозан нар мөн марихуан хэрэглэсэн хэмээн шийтгэгдэн сумог орхиход хүрсэн. Хэдийгээр орос ах дүү өөрсдийгөө буруугүй хэмээн мэдэгдэж, шүүхэд хандсан ч найдлага тун муутай байгаа. Гэвч Вакакирины мэдүүлэг зөвхөн өөрт нь бус бас Рохо, Хакурозан нарын хувь заяанд ч чухал нөлөө үзүүлж магадгүй гэж дүгнэж байна.

Асашёорюү: Олон сар барилдаагүй болохоор тийм ч амар байгаагүй

Их аварга Асашёорү Д.Дагвадорж өнөөдөр эх орондоо ирлээ. Түүнийг ээж, ах, дүү нар нь болон УИХ-ын гишүүн Д.Лүндээжанцан тэргүүтэй хүмүүс “Чингис хаан” нисэх онгоцны буудалд тосч авлаа. Тэрбээр онгоцноос буусан даруйдаа сэтгүүлчидтай уулзаж, сонирхсон асуултад нь хариулт өгсөн юм.

-Юуны өмнө ард түмнээ баярлуулсан танд баяр хүргэе?

-Баярлалаа.

-Та баярласан сэтгэлээ сумогийн дэвжээн дээрээс Монгол хэлээр илэрхийлж байсан?

-Тийм ээ, миний ард түмэн намайг үзэж байгаа учир би эх хэлээрээ ард түмэндээ мэндчилгээ дэвшүүлье гэж бодсон юм.

-Та гурван башё өнжсөний дараа барилдлаа. Башёгийн өмнө Японы хэвлэлээр Асашёорюүгийн бэлтгэл сул байна гэж мэдээлж байсан. Бодит байдал дээр ямар байсан бэ?

-Олон сар барилдаагүй болохоор тийм ч амар байгаагүй. Гэхдээ л би боломжийнхоо хэрээр бэлтгэл хийж байсан. Барилдахгүй болохоор бусад бөхчүүдээ ямар байгаа, өөрөө яаж барилдахаа тооцоолох боломжгүй болдог юм байна. Барилдаад ирэхээр аяндаа барилдаан орж эхэлсэн. Энэ удаа амжилттай барилдаж, 23 дахь удаагаа аваргын цом авсандаа маш их баяртай байна даа.

-Одоо таны зүүн гарын бэртэл гайгүй юу?

-Эдгэх боломж бага л байх юм. Барилдах бүрт байнга хөндөгддөг. Эмчилгээ хийлгэж байгаа.

-Энэ башё сэтгэл зүйн хувьд их хүнд байсан байх. Таныг интернетээр заналхийлсэн явдал ямар нэгэн байдлаар барилдаанд нөлөөлсөн үү?

-Нөлөөлөөгүй.

-Сүүлийн өдөр унахдаа та юу бодож байсан бэ. Хакухотой барилдахдаа сандарч байсан уу?

-Бага зэрэг сандарсан. Унаад дахин барилдаан хийх гэж байхад аяндаа бие тавираад сайхан болсон. Тэгээд л давсан.

-Зарим нэг олон улсын агентлагаар таныг 2012 онд улстөрд хүч үзнэ хэмээн үсчиндээ ярьсан тухай бичсэн байна?

-/инээв/ Тийм зүйл огт байхгүй. Шуугиан тарьж л байхгүй юу даа.

-Таныг сэтгэл хөдлөлөө илэрхийлэхдээ дэвжээн дээр гараа өргөсөнд Сумогийн холбоо буруутгасан гэсэн үү?

-Тийм зүйл болоогүй. Зарим нэг хэвлэлээр олны анхаарлыг татах гэж их оролдох юм.

-Та эх орондоо хэд хонох вэ?

-Хоёр хоноод буцна аа.

Их аварга Д.Дагвадорж II төрөх эмнэлэгт түргэн тусламжийн машин бэлэглэв

Их аварга Д.Дагвадорж “Чингис хаан” олон улсын нисэх онгоцны буудалд газардсаныхаа дараа нийслэлийн Засаг дарга бөгөөд Улаанбаатар хотын захирагч Б.Мөнхбаяртай уулзсан байна. Тэрбээр ах дүүгийнхээ хамтаар ирж, хотын мэртэй уулзаад нийслэлийн II төрөх эмнэлэгт түргэн тусламжийн машин бэлэглэснээ хүлээлгэн өгчээ. Их аварга Д.Дагвадорж нь II төрөх эмнэлэгт мэндэлж байжээ.

“Ёкозунагийн зөвлөл” Асашёорюүг буруутгав

Мэргэжлийн сумо бөхийн холбооны дэргэдэх “Ёкозунагийн зөвлөл” уламжлал ёсоор башё өндөрлөсний дараагийн өдөр хуралдаж, мэргэжлийн сумо бөхийн дэвжээнээ 23 дахь удаагаа Эзэн хааны цом хүртсэн их аварга Асашёорюү Д.Дагвадоржийн талаар ярилцсан байна. Ингэхдээ түүнийг башёгийн сүүлийн өдөр ёкозуна Хакухо М.Даваажаргалтай нэмэлт барилдаан хийж, ялалт байгуулсныхаа дараа ариун дэвжээнээ гараа өргөж, сэтгэлийн хөөрлөө илэрхийлснийг нь шүүмжилсэн байна. Улмаар сумогийн холбооны ерөнхийлөгч ояката Мусашигава 68 дахь их аварга Асашёорюү болон түүнийг хүмүүжүүлэгч ояката Такасаго нарт аман сануулга өгчээ. Мөн хурлын үеэр “Ёкозунагийн зөвлөл”-ийн зохион байгуулалтын асуудлыг хэлэлцээд, 81 настай Цурута гэгчийг зөвлөлийн тэргүүнээр сонгожээ. Тэрбээр тэтгэвэрт гарахаасаа өмнө эдийн засгийн чиглэлийн “Жапан Кэйзай” нэртэй сонин эрхлэн гаргадаг компанийн ерөнхийлөгчөөр ажиллаж байсан аж. Энэ хуралд их аварга Асашёорюүг үргэлж шүүмжилж байдаг Утидатэ гэгч зохиолч эмэгтэй оролцоогүй байна. Учир нь хатагтай Утидатэ өнгөрсөн оны сүүлээр зүрхний мэс засалд орсон ажээ.

Хацү башёд Монголчууд …

Хацү башё монголчууд бидний хувьд үнэхээр сайхан тэмцээн боллоо. Хоёр аварга маань тэмцээний сүүлийн өдөр хүртэл тэргүүлж , шийдвэрлэх барилдааныг хийлээ. Бүтэн таван башёгийн дараа Аса аварга маань асар их тэвчээр, хатуужил гарган өөрийгөө хэн гэдгээ харууллаа. Сонирхуулахад тэртээ найман жилийн өмнө Мусашимару- Токанахана хоёр нэмэлт барилдаан хийж байснаас хойш хоёр ёкозунагийн нэмэлт барилдаанаар ялагч тодорч байгаагүй аж. Шинэ озэки Харүмафүжи маань урамтай сайхан барилдаж качекоши хийлээ, жүрё зиндаад монголын шинэ хүчтэн Шотенро Д.Нямсүрэн түрүүллээ гээд дурьдаад байвал олон сайхан үйл явдлаар дүүрэн байлаа.
Ингээд та бүхэнд манай бөхчүүд энэ башёд хэрхэн барилдсан дүнг хүргэе.

тайлбар : O - давсан , * - унасан , %- барилдалгүй давсан , #- барилдалгүй унасан , - өнжсөн , a - башёг өнжсөн

Тэнгэрт тэтгэгдсэн Монголын ард түмэндээ баярлалаа

Энэ сарын 25-нд Японы мэргэжлийн сумогийн хацу башё өндөрлөлөө. Их аварга Өглөөний хөх луу-Асашёорюүгийн найз нөхөд нь энэ удаагийн башёг орхихыг зөвлөсөн ч тэдний үгэнд оролгүй хацу башёд зодоглож, тэргүүлэв. Хоёрхон долоо хоногийн өмнө ХХI зууны 28 настай их аваргыг зодог тайлна гэж хэлэх хүн олон байлаа. Гэвч Хөх луу дахин алдар хүндийн оргилд гарч чадлаа Энэ сарын 7-нд бүх бөхчүүдийн удирдлага ба багш нарынхөө өмнө хамтарсан сургуулилтаа хийж байхад их аварга Асашёорюү Д.Дагвадорж ёкозуна Хакухо М.Даваажаргалд зургаа дараалан унасны дараа Хөх луу Цагаан гарьдыг дийлэхгүй гэж байлаа. Эхлээд их Монгол 23 настай нутаг нэгтэнтэйгээ харьцуулахад тааруухан харагдаж байв.

Хацү башё 2009 финал

2009 初場所 優勝決定戦

Хацү башё 2009

Асашёорюү Давгадорж VS Хакухо Даваажаргал

Хацу башёгийн арван тав дахь өдрийн барилдаан

Хацу башёгийн арван тав дахь өдрийн барилдааны бичлэг

Асашёорюү шуурганд уруудахгүй

Би буцаад ирсэн байгаа биз дээ... Асашёорюүгийн гайхамшигтай ялалтынхаа дараа хэлсэн энэ үг чин сэтгэлийнх байлаа. Сумогийн ертөнцийг эрч хүчээр дүүргэсэн Монголынхоо их аваргаар ард түмэн өчигдөр дэндүү их бахархсан гэдэгт эргэлзэхгүй байна. Та бидний мэдэхгүй сэтгэлзүйн төсөөлшгүй их дарамт, гурван башёд барилдуулаагүй зүүн гарын бэртэл, залуу ёкозунагийн эрч хүчийг даван туулах бядтай байх гээд бие, сэтгэлийн асар хүчтэй эргүүлэг дунд Асашёорюү 23 дахь удаагаа Эзэн хааны цом хүртлээ.
Аваргынхаа хүүхэд шиг цагаан инээмсэглэл, монголоороо омогшдог сэтгэл хөдлөл, ховорхон гаргадаг нулимсыг харах уярам байлаа. Японы сумогийн ордноос Монголын ард түмэндээ хандаж хэлсэн, монголоороо ярьсан мэндчилгээ сэтгэл гэгэлзүүлэм, бахархам байлаа.Түүний жинхэнэ тамирчин хүнээс гардаг дараалсан амжилт, алдаа, гүвээ болгоны ард гарч чаддаг агуу эрч хүчний өмнө алга таших юу ч биш байв. Асашёорюү агуу юм аа. Агуу Асашёорюү, та сумогийн ертөнцөд гайхалтайгаар эргэж ирлээ.
Мэргэжлийн сумо бөхийн Ёкозүнагийн хяналтын зөвлөлөөс хацу башёд арваас дээш даваа авах хатуухан болзол тулгасан энэ сарын тэмцээний өмнө их аварга Асашёорюү эхний таван өдрийн барилдаанд нэгээс илүү унахгүй байх гэсэн даруухан зорилго тавьж байлаа. Дотроо бол “нэг ч уналгүй түрүүлнэ” гээд өдөр бүр далдуураа шатаж явсан байх. Угаасаа түүнд 15 өдөр үргэлжилдэг тэмцээний 10 өдөрт нь дараалан ялсан үедээ түрүү алдаж байсан тохиолдол үгүй. Асашёорюү сэтгэлзүйгээрээ тэгж айхтар тэмцэж барилддаг дийлдэшгүй, хурц хүн. Тэр өмнө нь 22 түрүүлэхдээ яг ийм байдлаар 14 удаа энэ өвөрмөц ялалтаа баталсан байдаг.
Асашёорюү хацу башёд түрүүлснээр Мэргэжлийн сумо бөхийн түүхэнд хамгийн олон түрүүлсэн бөхчүүдийн жагсаалтад дөрөвдүгээрт бичигдэж, их аварга Таканаханагийн амжилтыг эвдлээ. Одоо түүний өмнө Японы мэргэжлийн сумо бөхийн түүхэнд тодорсон 69 их аваргын зөвхөн гурвынх нь амжилт эвдэгдээгүй үлдэж байна. Тайхо 32, Чиёнофүжи 31, Китаноуми 24, Асашёорюү 23…
23 удаа түрүүлж болсон юм чинь, 28-хан настай юм чинь Асашёорюү чадах байх аа. Хайрлахынхаа хэрээр хатуурхаж буй сумогийн ертөнцдөө хаан шиг амьдраарай гэж их аваргадаа ерөөе. Шуурганд уруудахгүй, сөрж амьдарна шүү, Асашёорюү.

мэдээллийн эх сурвалж:

1. http://www.jiji.com
2. Монголын Үндэсний Олон Нийтийн Радио,Телевиз
3. Асашёорюү шуурганд уруудахгүй
   

Хацү башё 2009

day 08 2009 JANUARY GRAND SUMO TOURNAMENT @ Tokyo Flickr-аас авав.

Асашёорюү гайхамшигтайгаар буцаж ирлээ.

Японы мэргэжлийн сумо бөхийн 2009 оны анхны тэмцээн болох хацү башё үзэгч, сонирхогчдоор дүүрэн болж өнгөрлөө. Гурван башё өнжсөний эцэст сумогийн дэвжээнээ дахин зодоглосон их аварга Асашёорюү Д.Дагвадоржийн гайхамшигтай ялалтаар хацу башё өндөрлөлөө. Башёгийн сүүлчийн өдөр хүртэл 100 хувийн амжилттайгаар башёг ганцаараа тэргүүлж байсан их аварга Асашёорюү Д.Дагвадорж 15 дахь өдрийн барилдаанд Хакухо М.Даваажаргалтай хүч үзэж, өвдөг шороодсоноор ижил 14 даваа, нэг унаатай болсон. Харин нэмэлт барилдаанд их аварга өрсөлдөгчөө ёрикири мэхээр давснаар хацү башёд тэргүүлж, Японы эзэн хааны цомыг 23 дахь удаагаа хүртлээ.

Манай бусад бөхчүүдийн хувьд башёг амжилт муутайхан эхлүүлсэн шинэхэн озэки Харумафүжи Д.Бямбадорж 50 хувиа хийж, цолоо амжилттай хамгаалсан бол баруун жигүүрийн маэгаширагийн тэргүүнд бичигдсэн Кёкүтэнхо Н.Цэвэгням есөн даваа, зургаан унаатай башёг өндөрлүүллээ. Харин маэгаширагийн наймаас босч барилдсан Какүрюү М.Ананд, Токитэнкү А.Хүчитбаатар нар тус бүр есөн даваа, зургаан унаатай башёг дуусгасан бол Асасэкирюү Б.Дашням зургаан даваа, есөн унаатай, Коорюү Э.Мөнх-Оргил таван даваа, 10 унаатай, Тамаваши Б.Мөнх-Оргил долоон даваа, найман унаатай башёг өндөрлүүлэв.

	East	kimarite	West
○	W-J1 Kimurayama 9-6	oshidashi	W-M15 Yamamotoyama 8-7
	E-M14 Toyohibiki 5-10	isamiashi	W-J3 Tosayutaka 9-6	○
○	E-M13 Tamawashi 7-8	oshidashi	E-J3 Wakakirin 9-6
	E-M12 Tochiozan 10-5	yorikiri	W-M12 Kakizoe 8-7	○
○	E-M10 Tokitenku 9-6	shitatenage	E-M16 Homasho 11-4
○	E-M15 Tamanoshima 11-4	yorikiri	W-M9 Chiyohakuho 6-9
	E-M11 Iwakiyama 8-7	uwatedashinage	W-M8 Kakuryu 9-6	○
○	W-M11 Tochinoshin 8-7	uwatenage	W-M7 Dejima 7-8
	E-M7 Hokutoriki 9-6	oshidashi	W-M10 Tochinonada 8-7	○
	W-M14 Masatsukasa 4-11	yorikiri	W-M6 Aran 5-10	○
	E-M6 Bushuyama 2-13	hikiotoshi	W-M13 Koryu 5-10	○
○	E-M8 Asasekiryu 6-9	yorikiri	W-M4 Kokkai 5-10
○	E-M4 Wakanosato 7-8	hatakikomi	E-M9 Tosanoumi 5-10
○	E-M2 Miyabiyama 6-9	hikiotoshi	E-M5 Futeno 5-10
	W-M2 Yoshikaze 6-9	kotenage	W-M1 Kyokutenho 9-6	○
	E-M1 Kotoshogiku 6-9	katasukashi	E-M3 Takekaze 7-8	○
○	E-K Kisenosato 8-7	yorikiri	W-M5 Takamisakari 6-9
	E-O Harumafuji 8-7	tsuridashi	E-S Baruto 9-6	○
○	E-O Kotooshu 10-5	yorikiri	W-O Kaio 8-7
	W-M3 Goeido 10-5	hatakikomi	W-O Chiyotaikai 8-7	○
○	E-Y Hakuho 14-1	yoritaoshi	W-Y Asashoryu 14-1
	E-Y Hakuho	yorikiri	W-Y Asashoryu	○

Хацу башёгийн арван дөрөв дэх өдрийн барилдаан

Хацу башёгийн арван дөрөв дэх өдрийн барилдааны бичлэг

Асашёорюү Давгадорж

http://www.jiji.com/jc/v?p=asashoryu2009_0001

1998年12月11日





2001年04月25日

2000年01月11日

Асашёорюү Давгадорж VS Хакухо Даваажаргал

Мэргэжлийн сумо бөхийн 14 дэх өдрийн барилдаан өндөрлөлөө. Өнөөдөр башёг нэг ч унаагүй тэргүүлж буй их аварга Асашёорюү Д.Дагвадорж озэки Кайог давснаар 14 даваатай боллоо. Хакухо ёкозунагийн хувьд өнөөдөр озэки Чиётайкайтай барилдаж, даваагаа ахиуллаа. Харин энэ башёд анх удаа озэки цолтой зодоглож буй Харумажүжи Д.Бямбадоржийн хувьд өнөөдөр озэки Котоошюг давснаар тавин хувиа хийж, шинэ цолоо хамгаалж чадлаа.

Манай бусад бөхчүүдийн хувьд, Кёкүтэнхо Н.Цэвэгням Фүтэног давснаар найман даваатай болсон бол Асасэкирюү Б.Дашням Ваканасатод өвдөг шороодож, таван даваа, есөн унаатай болоод байна. Какурюү М.Ананд өнөөдөр Масацукасаг давснаар мөн 50 хувиа хийж, найман даваатай боллоо. Хоорондоо таарч барилдсан Токитэнкү А.Хүчитбаатар, Коорюү Э.Мөнх-Оргил нарын барилдаанд Коорюү давснаар дөрвөн даваатай болжээ. Токитэнкү А.Хүчитбаатарын хувьд өнөөдрийн байдлаар найман даваатай яваа. Харин Тамаваши Б.Мөнх-Оргил маэгаширагийн 14 дэх бөх Тоёохибикид ялагдсанаар зургаан даваа, найман унаатай болоод байна. Маргааш болох хацу башёгийн сүүлийн өдрийн барилдаанд Харумафүжи сэкиваки Барутотой оноолт таарсан бол их аварга Асашёорюү Д.Дагвадорж, ёкозуна Хакухо нар хоорондоо барилдана. Хэрэв энэ барилдаанд их аварга давбал нэгдүгээр сарын барилдааны ялагч болно. Харин Хакухо ёкозуна ялсан тохиолдолд хоёр аварга дахин барилдаан хийж, хэн ялсан нь Эзэн хааны цомын эзэн болох юм.

Асашёорюү Токиод зоогийн газар нээлээ.

Токио хотын сумогийн ордны эгц урд нь их аварга Асашёорюү “World Chanko Asashoryu” нэртэй зоогийн газар нээсэн байна. Ингэснээр сумо сонирхогчид аваргын “амт”-ыг мэдрэх боломжтой болов. Энэ зоогийн газарт “Луу” нэртэй салат, “Ёкозуна” вискигээс гадна монгол, япон хоол бэлдэж, олныг дайлах ажээ. Энд 5800-6500 иений/50-60 ам.доллар/ багц үнэ бүхий зоог санал болгож байгаа гэнэ. Их аварга маань “World Chanko Asashoryu” зоогийн газрын сүлжээнийхээ дараагийн газрыг Лос-Анжелест нээх бодол тээж яваа ажээ.

Хацу башёгийн арван гурав дахь өдрийн барилдаан

Хацу башёгийн арван гурав дахь өдрийн барилдааны бичлэг

Сумогийн цол

видео архив

архив

Tochinishiki - Ouchiyama

1955 Natsu Basho

Tochinoumi - Asashio

1961 Natsu Basho

Nagahama - Kitanofuji

1972 Natsu Basho

Kotozakura - Kitanofuji

1973 Haru Basho

Takanohana - Kitanoumi

1975 Haru Basho

Kongo - Washuyama

1975 July Basho

Onokuni - Chiyonofuji

1988 Kyushu Basho

Takahanada - Chiyonofuji

1991 Natsu Basho

Akebono - Kyokudozan

1993 Haru Basho

Takanohana - Wakanohana

1995 Kyushu Basho

Takanohana - Takanonami

1996 January Basho

Annenyama - Fusanishiki

1957 Natsu Basho

Wakanohana - Tochinishiki

1960 Haru Basho

Takanohana - Taiho

1971 Natsu Basho

Takanohana - Wajima

1972 Aki Basho

Fujizakura - Kitanofuji

1974 Hatsu Basho

Aobajo - Kitanoumi

1975 Nagoya Basho

Konishiki - Masurao

1987 Haru Basho

Chiyonofuji - Terao

1989 Kyushu Basho

Kirishima - Konishiki

1991 Kyushu Basho

Akebono - Takanohana

1995 Haru Basho